Love story

Фэйшн сэтгүүлүүдэд дахин дахин дурдагддаг кинонуудын нэг бол "Love Story" юм. Жинхэнэ америк, онц сурлагатан, preppy стил. Ali McGraw-н өтгөн хөмсөг, шулуун үс, натурал будалт ч үнэхээр гоё.

Nerdy glass

Bride

Beige coat!

Simple red dress

So much beauty...

Sometimes there's so much beauty in the world I feel like I can't take it...

Хааяа надад энэ дэлхийд хэтэрхий их гоо үзэсгэлэн байх шиг санагддаг. Бүр даахын аргагүй их...

( American Beauty киноны хэсгээс.)

Coco before chanel

Саяхан Audrey Tautou-н тоглож, дизайнер Anne Fontaine найруулсан "Coco before Chanel" киног үзлээ. Коко Шанелийн залуу нас буюу нэртэй дизайнер, брэнд болохоос өмнөх үе, хайр дурлалыг харуулжээ. Хувцаслалтаараа 2009 оны Оскарын шилдэг хувцаслалт номинацд нэр дэвшсэн юм.



Уг кинонд Шанел тухайн цаг үеийн урсгалыг сөрж энгийн, цэвэрхэн биед эвтэй хувцасыг фэйшнд нэвтрүүлсэн тухай өгүүлнэ. Бүх л эмэгтэйчүүд газар шүргэм урт, цагаан, ягаан, торон плате өмсч байхад Шанел ганцаараа эрэгтэй сорочк, пиджак, жилет, малгайгаар гангарч, энгийн загварын хар плате-г түгээсэн. Одоо харсан ч хуучраагүй классик хувцаслалт нь тухайн үеийнхээ хувцасан дундаас эрс ялгарч харагдаж байлаа. "Олон чанаргүй хувцастай байснаас цөөн хэдэн чанартай, өөрт таалагдсан хувцастай нь дээр." гэдэг үгийг ахин бодогдуулахад хүргэв.


Ингээд Коко Шанел-н хэлсэн үгсээс хүргэе.


- Эмэгтэй хүн классик, мөн гайхамшигтай байх ёстой.
- Дэлхийн хамгийн сайхан өнгө бол өөрт тань хамгийн зохисон өнгө.
- Дээд зэргийн тансаглал үргэлж эвтэйхэн байх ёстой, тийм биш бол тансаглал биш.
( Энэ үгтэй санал нийлж байна. Хичнээн үнэтэй сайхан плате өмссөн ч нэг л зөв санагдахгүй бол тансаглал биш, хичээж байна гэсэн үг.)
- Элеганс гэж шинэ плате өмсөхийн нэр биш.
- Фэйшн бол архитектур. Бүх зүйл пропорцоос хамаарна.
( Үнэхээр үнэн. Үргэлж пропорцоо бодолцож байгаарай)
- Эмэгтэй хүн үгүй бол, плате үгүй.
- Фэйшн бол зуурдынх, харин стиль бол үүрдийнх.

The notebook

Улаан + Цэцгэн хээ = Классик хослол.

Улаан хүрэн = Намрын өнгө.

The Curious Case of Love

From "The Curious Case of Benjamin Button"

Miss Pettigrew Lives For A Day

Та бүхэнд сүүлийн үед үзсэн киноны нэг болох "Miss Pettigrew Lives For" -г танилцуулая. Уг киноны үйл явдал 1930-аад оны сүүлээр Лондон хотод өрнөх бөгөөд америк жүжигчин бүсгүй ба түүний туслахын хөгжил, гуниг, адал явдал дүүрэн нэг өдрийг харуулах болно.

Киноны гол дүрд сүүлийн үед " Sunshine Cleaning" " Charlie Wilson's war" зэрэг киногоороо танигдаж, нилээн эрч хүчтэй гарч ирсэн Аму Adams тоглосон. Түүний хувьд хэдийгээр жүжигчний карераа 1999 оноос эхэлсэн ч сүүлийн 2-3 жилд одтой явж буй жүжигчин бөгөөд, одоо л зүй ёсоор үнэлэгдэж байгаа. Өөрийн гэсэн имижтэй, дэлгэц гэрэлтүүлсэн хөгжилтөй хөөрхөн хүүхэн шиг санагддаг.

Түүний туслахын дүрд Оскарын шагналт жүжигчин Frances McDormand тоглосон бөгөөд, 50 гаруй кинонд тоглосон туршлагатай сайн жүжигчин. Миний хувьд анх "Last Picture Show" киногоор нь мэдэх болсон бөгөөд, сүүлд "Fargo" киногоороо нилээн шуугиулсан. Гэхдээ л залуу, хөөрхөн, моодны, нэртэй найз залуутай, хов жив ихтэй биш бол тэр болгон олонд танигддаггүй холливүүдэд түүнийг жинхэнэ киноны фен л биш бол зохих хэмжээгээр нь үнэлж чаддаггүй юм шиг санагддаг. За киноны ертөнцийн тухай яриагаа ингэсгээд завсарлая.

Ямартай ч сүүлийн үеийн нэгэн хэвийн Холливүүд-н инээдмийн киноноос эрс ялгарсан сайн кино байна лээ. Мэдээж 30-аад оны стилийн чамин хувцаслалт нь ч их таалагдлаа.

Amy Adams

Frances McDormand

Le Ballon Rouge

Саяхан Францын классик богино хэмжээний хүүхдийн кино " Le Ballon Rouge" буюу "Улаан бөмбөлөг"-г үзлээ.1956 онд хийгдсэн, Найруулагч нь Albert Lamorisse. 34 минут үргэжлэх уг киноны үйл явдал Парис хотод өрнөх бөгөөд Гол дүрийн Паскал хүү, улаан бөмбөлөг хоёрын адал явдлыг харуулна.

Өнгө, гэрэл, дүрслэл зэрэг нь бидний багадаа үзэж өссөн хуучны орос хүүхдийн кинонуудтай төстөй санагдсан. Харин үзэж дуусаад Владимир Попов уг кинонд ажилласаныг мэдлээ. Үнэхээр гэрэл гэгээтэй, хүүхэд насыг санагдуулсан хөөрхөн кино байлаа. Тухайн үеийн Парис хотын гудамжыг ч бас харах болно.

Уг кино нь 1956 оны Оскарын шагнал, Мөн Каннын кино наадмаас шагнал авч байсан юм байна. Франц Vogue уншиж байгаад Софиа Коппола-г уг киноноос сэдэвлэж "Dior Cherie" (http://fashionmongolia.blogspot.com/2009/02/dior-cherie-ad.html) -н рекламыг хийсэн тухай мэдээд энэ киног хайж үзлээ.