Scarf

Untitled, Nicolas Africano (2007)

Photo by me.

Өнөөдөр мүзей- д алчуураа тун дэгжин зангидсан бүсгүйг олж харлаа.

Гэрэл, Сүүдэр

Энэ удаа та бүхэндээ Данийн артист Olafur Eliasson -ы бүтээлээс хүргэе. 2 жилийн өмнө үзэсгэлэнг нь анх үзэж байсан юм. Орон зай, өнгө, гэрлээр гайхалтай өвөрмөц орчин бүрдүүлсэн нь хүчтэй сэтгэгдэл төрүүлж билээ.















Тэрээр "Миний бүтээл бол үзэгчид зориулсан. Та өөрөө ямар нэгэн зүйл мэдрэхээс нааш энэ бүхэн урлаг болохгүй. ( My work is about you. They don't become works of art until you experience them.) "гэж хэлжээ.
Ихэнх уран бүтээлчид үзэгчдээ хамгийн сүүлд тавьдаг. Тэр нь ч артист хүн хүчтэй эго-той байдгийнх биз. Гэхдээ урлаг бол үзэгчид мэдэрч байж урлаг болдог гэдэг үг яагаад ч юм өөрсдийнхөө эго-г амьдралгүй өндрөөр үнэлж, заавал ойлгож, худалдаж авахыг тулгадаг дизайнеруудыг санагдууллаа. Фэйшн ч бас адилхан. Хувцасыг өмсөж, амьдруулах нь чухал болохоос, ямар үнэтэй байх нь тийм ч чухал биш.

http://www.olafureliasson.net/

Julie Morstad

Арт гэхээр заавал хүнд хүнд нүсэр сэдэв, хэмжээтэй, алдар нэртэй байх ёстой биш. Энэ ойлголт хуучраад, сүүлийн үеийн арт улам л энгийн атлаа сонирхолтой болоод байгаа. Тэгээд ч хүний сэтгэлд хүрч, хөдөлгөж байвал юу ч арт болж болно. За ингээд олныг нуршилгүй өөрийн дуртай зураачдын нэг болох Жюли Морстад-г танилцуулая.

Тэрээр Канада-н Ванкувер хотноо амьдардаг бөгөөд, өөрийн өвөрмөц стилтэй зургаар танигдаж, хэд хэдэн шагнал хүртсэн. 2005 оноос хойш үзэсгэлэнгээ гаргаж байгаа юм байна. Зургууд нь ихэвчлэн үлгэр домгоос сэдэвлэсэн байдаг бөгөөд энгийн юм шиг атлаа, цаанаа л содон, зарим нь бүр жихүүцэм сэтгэгдэл төрүүлдэг. Нарийн жигд зураас, хүрээтэй, өнгөний зохицол сайтай, минималист талдаа уран бүтээлч шиг санагдсан.

Анх гэрийнхээ хажуугийн номын дэлгүүрт түүний зургыг харж байсан юм. ( 5 алхмын газар номын дэлгүүр байдаг болохоор орж гарах болгондоо ном, сэтгүүл авчихаад байдаг "муу" зантай. ) Үнэхээр авьяастай, өвөрмөц зураач. Үүнээс хойш дуртай зураачдаа танилцуулах болно.

http://www.juliemorstad.com/