Tampilkan postingan dengan label Brand. Tampilkan semua postingan
Tampilkan postingan dengan label Brand. Tampilkan semua postingan
Marni намар /өвөл 2010
"Марни" бол миний хамгийн дуртай брэндүүдийн нэг бөгөөд хамгийн өнгөний вкус сайтай брэндүүдийн нэг гэж боддог. Өнгөний зохицол, хээ, хөгжилтөй, рэтро аксесуар, носталжик эмээ стиль зэрэг нь хэнийг ч дагуулахгүй. Итали фэйшн гэхээр л "Dolce & Gabbana" шиг дээд зэргийн бие барьсан силуэт, барын арьс, ялимгүй вкус муутай ч гэмээр максд нь тулгасан секси стиль санаанд буудаг ч, Марни шиг хөгжилтөй, ухаан зарсан, эмэгтэй хүнийг секс обект болгож харагдуулдаггүй брэндүүд ч мэр сэр байдаг. Марни 1994 оноос эхэлсэн бөгөөд, дизайнер Consuelo Castiglioni нь анх нөхрийнхөө өв уламжлаж ирсэн үслэг эдлэлийн загварын компанийг үргэлжлүүлэх үүрэг ноогдсоноор гараагаа эхэлсэн. Тэрээр үслэг эдлэл гэхээр хуучин, хүнд, нүсэр, уйтгартай гэдэг ойлголтыг эрс эвдэж, өдөр тутмын, хөнгөн, энгийн болгож өөрчлсөнөөр анхны хувьсгалаа хийсэн юм. Түүнээс хойш сая сая бүсгүйчүүд Марни-н өнгө, материал, хээний зохицолд анхаарал хандуулах болсон. Фэйшн ертөнц тэр аяараа Том Форд-н сүпер секси загварт умбаж байхад Марни-н эрс анти секси стиль нь шинэлэг, ухаалаг, хамгийн гол нь секси стилийг тахин шүтдэггүй бүсгүйчүүдэд аврал болсон.
.jpg)
Designer Consuelo Castiglioni
New minimalism - Celine
Энэ оны хамгийн том моод бол Минимализм билээ. Эдийн засгийн хямралтай холбогдуулан дизайнерууд хоорондоо эрс хуваагдан, нэг хэсэг нь ганц улирлаас илүү хадгалахаар классик, энгийн загваруудыг сонгосон бол нөгөө хэсэг нь аль болох импакттай, хурц, хөгжилтөй загваруудыг барьж авсан. Минимализм буюу энгийн, классик чиглэлийг хошуучилж яваа брэндүүдийн нэг бол Францын Celine юм. Хэдэн жилийн өмнө Шанел шиг хуучин, тоосонд дарагдсан, ихэвчлэн ахимаг насныхны хэрэглэдэг брэнд байсан бол 2009 онд 2000-аад оны эмэгтэй дизайнеруудын пионер болох Phoebe Philo ( Фиби Фило) -г дизайнераараа сонгосноор эрс шинэ, залуу, классик хэрнээ уйтгартай бус загварууд ар араасаа төрөн гарч, фэйшн ертөнцийг байлдан дагуулж энэ оны шилдэг шинэ имижтэй брэндүүдийн нэг болоод байна.
Тэрээр 1997 оноос Chloe брэндийн дизайнераар ажиллаж, логогүй брэнд цүнхийг дэлгэрүүлэхэд том хувь нэмэр оруулсан юм. Мөн кукла стилийн сул бэлхүүстэй плате, үргэлж ултай платформ, өндөр суулттай жинс гээд нэг хэсэг гудамжинд 10 бүсгүйн 5 нь өмсдөг байсан хувцаснуудыг хит болгосон юм. Энэ үед Холливүүд-н Кристин Данст, Клоэ Севини гэх мэт залуу, күүл, вкустэй гэгдэх одод бүгд л Chloe өмсч харагдах болсон. Phoebe Philo 2006 оны эхээр гэр бүл, хүүхэдтэйгээ цагыг өнгөрүүлэхээр амралтаа авсан байсан ч энэ оны хавар/ зуны загвараар албан ёсоор эргэн ирлээ. Түүний Celine- д зориулж зохиосон шинэлэг минимализм загварууд Фэйшн сонирхдог бүсгүй бүрийн хүсэл мөрөөдөл болоод байна. Анхнаасаа Минималист байсан над шиг хүмүүст бол өмсүүштэй, баярлууштай загварууд эргэн ирж байна. Ашгүй олон жилийн андуурсан, зохьсон, зохиогүй моодноос түр ч гэсэн завсарлаж энэ онд бүсгүйчүүд бид биед эвтэй, цэвэрхэн хувцасаар амьсгалах нь.
Тэрээр "Би өөрөө өмсөж чадахааргүй хувцас хийдэггүй" гэж Англи Elle -н энэ оны 9 сарын дугаарт өгсөн ярилцлагадаа хэлсэн байсан. Түүний загварууд өндрөөр үнэлэгдэж буйн гол нууц энд л байгаа байх. Эрэгтэй дизайнерууд заримдаа шоконд орохоор загварууд зохиочхоод миний загварыг хэрийн бүсгүй амилуулж чадахгүй гэж ярьдаг. Арга ч үгүй биз, хэрийн бүсгүйчүүдэд тийм бие, зориг, амьдрал байх биш. Бодит амьдрал дээр бүсгүйчүүд бид өдөр бүр үсээ буржийлгаж, үдэшлэг хэсэх биш, өглөө босоод ажилдаа явцгаадаг. Өглөө босоод өмсөхөд сайхан харагдах энгийн хэрнээ чамин хувцаснууд ямар ч эмэгтэй хүний хувцасны шүүгээний гол суурь, фундамент байж дор хаяж 70 хувийг эзлэх ёстой.
Харин эмэгтэй дизайнерууд өөрсдөө өмсөж, туршиж үзэх боломжтой болохоор ч тэрүү ихэвчлэн эмэгтэй хүн юу хүсдэгийг, яг юунд түрийвчээ нээдгийг маш сайн мэддэг. Тиймээс ч сүүлийн үед Фэйшн гэдэг ёлк шиг гангалахдаа биш, өдөр тутмын амьдралд сайхан харагдах гэдгийг ойлгосон эмэгтэй дизайнерууд хүчтэй төрөн гарч, өндрөөр үнэлэгдэж байна. Ингээд та бүхэндээ энэ оны минимализмийн эхлэлийг тависан гэж болох Celine-ий хавар/ зуны загвараас хүргэе.
.jpg)
Designer Phoebe Philo
Langganan:
Postingan (Atom)
